Dobre Quadratura, nas palabras da autora do catálogo e comisaria da exposición, foi unha experiencia visual que supuxo un continuum, dentro dun proxecto máis amplo que se desenvolveu na cidade de Santiago durante estes últimos catro anos coas mostras: Ramón Sánchez Estalote, memoria dun tempo; Rostros. Carlos Maside; A paisaxe e a súa pegada I e II e Figurando lembranzas. Neste catálogo podemos apreciar a montaxe e a intervención que o artista galego Jorge Perianes realizou na Casa do Cabido.