Temos ante nós unha obra pioneira, resultado de anos de fonda investigación, que achega descubrimentos sorprendentes do nacemento da arte fotográfica na Galicia do século XIX, un traballo rigoroso, moi documentado e enormemente didáctico. Ilustrado con máis de 350 imaxes, moitas inéditas, aborda os albores da fotografía no noso país para presentar de seguido o máis completo traballo coñecido ata hoxe sobre a fotografía dunha cidade galega nun período concreto.