No ano 2019, no marco do proxecto expositivo “Imaxinando Compostela”, que o Consorcio de Santiago promoveu vencellado ao Xacobeo 2021, exhibíronse dúas mostras na Casa do Cabido, “A paisaxe e a súa pegada I” e “A paisaxe e a súa pegada II”. Nestas exposicións recollíase a visión de oito fotógrafos sobre a paisaxe ligada a Compostela como meta ao Camiño de Santiago. A comisaria destas exposicións, Mercedes Rozas, reúne agora nun libro todas esas fotografías de Alberte Peiteavel, Andrea Costas, Denís Estévez, Eva Díez, Javier Teniente, Sheila Pazos, Tino Viz e Xoán Soler, baixo o título xenérico de A paisaxe e a súa pegada, coeditado con Teófilo Edicións.